Featured

ზურა ბალანჩივაძის ვინტაჟური სამყარო

მოდის სამყარო მდიდარია უამრავი საინტერესო შტრიხით. ყოველდღიურად ჩნდება ახალი მიმართულება, სტილი და ტენდენციები. ყველასთვის ცნობილია ანტიკვარული ნივთების იშვიათობა და მაღალი ღირებულება. სიძველისადმი სიყვარული მოდაშიც გვხდება ვინტაჟის სახით. იგი ფრანგული სიტყვაა და ითარგმნება, როგორც ტერმინი მეღვინეობაში, რომელიც ღვინის დაძველებას ნიშნავს. შესაბამისად, ვინტაჟური სამოსი გასული თაობებისა და მოდის მიმართულების „რენესანსია“ დღევანდელი ცხოვრების სტილში.
ხშირ შემთხვევაში, ვინტაჟის მიმდინარეობა კლასიკურ ჩაცმულობასთან ასოცირდება.
ყველასთვის ნაცნობი ტერმინია – „ეს ხომ კლასიკაა“ , ეს უკანასკნელი ვინტაჟის ეპითეტად ქცეული სინონიმია, რომელსაც ხშირად ვიყენებთ, აღტაცების შემთხვევაში , როდესაც ხელოვნების ნიმუში ან თუნდაც მუსიკა, გარკვეული ეპოქის სარკეა და მრავალწლიანი ისტორიის მატერებელი.

ყველას გვსმენია კრიტიკა ერთფეროვანი და არაფრისმთქმელ სტილთან დაკავშირებით. ხშირ შემთხვევაში გემოვნებიანი სამოსის ტენდენციურ პლაგიატიზმზეც გვილაპარაკია, მაგრამ ჩვენს ქალაქში ნამდვილად არსებობენ ის ადამიანები, რომლებსაც კლასიკური მიმდინარეობის მიმართ განსაკუთრებული ხედვა და დამოკიდებულება გააჩნიათ.
ზურას სახით მინდა წარმოგიდგინოთ ადამიანი, რომელიც მაგალითი შეიძლება იყოს ნებისმიერი ჩვენგანისთვის, რადგან მისი იმიჯი ბუნებრივობაში მდგომარეობს და ნამდვილად ისტორიას ჰყვება. ზურა შორსაა თანამედროვე ტენდენციებისგან, თუმცა თამამად შემიძლია ვთქვა, რომ მის მიერ შერჩეული „ტიპაჟი“ თავისთავად ქმნის ტენდენციასა და ხაზს, რომელიც ყოველთვის უფრო იშვიათი და დაფასებულია.

ზურა ბალანჩივაძის ცხოვრება ერთდროულად თანამედროვე და ვინტაჟურიცაა.
როგორც აღნიშავს, უამრავი ერთმანეთისაგან განსხვავებული სფეროთია დაინტერესებული, ხოლო ჰობის სახით კი მის შემოქმედებაში განსაკუთრებულ ადგილს მხატვრობა, მუსიკა და მობილური ფოტოგრაფია იკავებს.
სტილი მის ყოველდღიურ ცხოვრებაში უმნიშვნელოვანეს როლს თამაშობს.
ზურა ერთ-ერთი გამოჩენილი პერსონაა, რომელიც ყოველთვის ვინტაჟ მაღაზიებში იმოსება.
თვლის, რომ იმიჯი პიროვნების ინდივიდუალიზმთან არის დაკავშირებული და ეს ყველაფერი არ უნდა იყოს ხელოვნურად შექმნილი.

ზურა, როდის აღმოაჩინე მიდრეკილება ვინტაჟური ჩაცმულობის მიმართ?
ბავშვობიდანვე მომწონდა განსხვავებული სტილი და დღემდე მძაფრად ვგრძნობ ამას. სტილის აღმოჩენასა და ძიებაში წლები დამჭირდა. ჯერ უნდა გამეგო რა მინდოდა, შემდეგ იმაზე მეფიქრა თუ როგორ მოვირგებდი აღმოჩენილს. ეს არ ყოფილა რაიმე პროექტი ან ექსპერიმენტი, მისი სახე უფრო პროცესს გავდა. მახსოვს, სტუდენტობის პერიოდში, პირველად გრძელი ქურქი შევიძინე. მას ვინტაჟური ჟილეტი მოჰყვა, შემდეგ ცილინდრიც კი მოვიხდინე. ქუჩაში სეირნობის დროს საოცარი შეგრძნება იყო, ახალი ფორმის თანვმდევი ჩრდილის დანახვა, რომელიც უფრო და უფრო ემსგავსებოდა ჩემ მიერ წარმოსახულს.
სამოსის შემდეგ უკვე აქსესუარებმაც დამაინტერესა და ასე ეტაპობრივად ჩამომიყალიბდა სტილი, რომელიც ჩემი ცხოვრების განუყრელი ნაწილია.

დღევანდელი გადმოსახედიდან, კლასიკური ვინტაჟი უფრო მეტია შენს სტილში თუ მოდერნისტული?
ორივე. გააჩნია ხასიათს, იმასაც, თუ სად მივდივარ და რამდენად კომფორტულად ვიქნები. ვინტაჟური სტილი ნამდვილად მოითხოვს მსხვერპლს, რა თქმა უნდა, ნაკლებად პრაქტიკულიც არის და რიგ შემთხვევაში დისკომფორტის შექმნის საგანიც გამხდარა. ასეთ სიტუაციაში ყოველთვის წინასწარ ვგეგმამ რა ჩავიცვა, თუმცა უპირატესობას მაინც კლასიკურ ვინტაჟს ვანიჭებ.

ვინტაჟური აქსესუარები ახსენე, რას გვეტყვი მათზე?
პატარა ისტორიას მოგიყვები. სანამ გაჩნდებოდა ჰალსტუხი პოპულარული გახლდათ ბაფთა. მე-19 საუკუნეში კი უბრალო თეთრ ყელსახვევს იყენებდნენ მამაკაცები. ამ ყელსახვევის ერთ-ერთი გადმონაშთია ასკოტი, რომელიც ჰალსტუხს გავს და მეორე – თავად ჰალსტუხია. ყელსახვევებამდე იყო ჟაბო. ძველად, მამაკაცს ყოველთვის ამშვენებდა ყელზე აქსესუარი, ეს გარკვეული სტატუსის მაჩვენებელი იყო. მახსენდება სალონური წვეულებები ბრიტანეთში; ე.წ ჩაის სმის შეკრებებზე ეტიკეტად იყო ქცეული ფრაკი და მასზე დამშვენებული თეთრი ბაფთა. ეს ტრადიცია დიდი ხნის მანძილზე, ფაქტობრივად 90-იან წლებამდე შეინარჩუნა ოპერამ, სადაც დირიჟორი, ორკესტრანტი და სოლისტი მამაკაცები ასეთნაირად იმოდებოდნენ. დღედღეობით კი მეტნაკლებად თავისუფლებაა აქაც. ბაფთა აღიარებულია კლასიკური სტილისა და ვინტაჟის სიმბოლოდ. ამ უკანასკნელშიც გვხვდება რამდენიმე კატეგორია. ერთ-ერთია ბრიტანული, რომელსაც განსაკუთრებული განასკვის ფუნქცია აქვს. ეს ტრადიციული ბაფთა გახლავთ, რომლის შეკვრის ტექნიკასაც თქვენ უნდა ფლობდეთ. ვისაც ნამდვილი ვინტაჟი ესმის, ის არასდროს შეიძენს მზა ბაფთას და აუცილებლად გამოიყენებს ტრადიციულს.

შენი აზრით, რა განასხვავებს ვინტაჟს რეტროსაგან?
თითქმის არაფერი.
ვინტაჟი ასოცირდება 20-იან წლებთან, კერძოდ კი XIX-XX საუკუნეების მიჯნის სტილსა და ხელოვნებასთან. ერთი სიტყვით, იმ ეპოქასთან, როდესაც ცილინდრი და ე.წ „შლაპა“ იყო მოდაში. რეტრო კი ძველის აღმნიშვნელია, რომელსაც ძირითადად 60 და80 -იანი წლების აღსანიშნავად გამოიყენებენ.
ჩემი აზრით, რეტრო შეგვიძლია ვთქვათ ვინტაჟზეც, რადგან ისიც ძველია, უბრალოდ შედარებით ფართო ცნებას წარმოადგენს.

რომელი ეპოქის შთაგონებით სჭარბობს ტანსაცმელი შენს კარადაში?კონკრეტულად შეიძლება ვერ დავასახელო, თუმცა მე-19 საუკუნის ვინტაჟს განსაკუთრებული ადგილი უკავია ჩემს ჩაცმულობაში.

ვინ არის შენთვის სტილის სიმბოლო?
რაოდენ გასაკვირიც არ უნდა იყოს, ჩემი სტილის სიმბოლო უინსტონ ჩერჩილია. შეყვარებული ვარ ბრიტანულ სტილზე. რა თქმა უნდა, ჩერჩილი მოდის მიმდევარი არ იყო, მაგრამ მისი მთავრი ამოცანა ნამდვილად იყო, რომ ყოფილიყო ყველასგან დასამახსოვრებელი. მან შექმნა გენიალური ტიპაჟი, რომლის იდენტიფიცირებაც ძალიან მარტივია.
ასევე მახსენდება ლუჩანო პავაროტი. ნებისმიერ ჩვენგანს ვინც ვცნობთ, მის შემოქმედებას გამორიცხულია პავაროტის ასოციაცია არ გაგვიჩნდეს ჭარბ წონიანი მამაკაცის წარმოდგენის შემთხვევაში, რომელიც ფრაკით იქნება შემოსილი, საგულეზე კი ცხვირსახოცი ექნება მიბნეული.

შენი ფერი?
სხვათაშორის, დიდ უპირატესობას ვანიჭებ ფერებს. ვფიქრობ, რომ ჩემი ფერი წითელია.
ვინც მიცნობს კარგად, ფერის სიმბოლიკიდან გამომდინარე ეს არც გაუკვირდება.
ყოველთვის ვცდილობ ვიყო ფერადი და არა ჭრელი. მიყვარს მინიმალისტური კომბინაციები, მაგალითად ყვითელთან მწვანე, ლურჯთან თეთრი და ა.შ.
ძალიან საინტერესო პროცესია ფერებთან თამაში და ჩემი აზრით, წარმატებულად ვართმევ თავს.

დღესდღეობით საქართველოში უამრავ სტილიზებურ მიმართულებას ჰყავს თავის მიმდევარი, მაგრამ ვინტაჟი ნაკლებად აქტუალურია, შენი აზრით რა იწვევს ამას?
როგორც უკვე ვახსენე, ვინტაჟი გაცილებით არაკომფორტული და მოუხერხებელია ვიდრე ჩაცმის თავისუფალი სტილი. ალბათ, უფრო პრეტენზიულიცაა ვიდრე სხვა დანარჩენი. მიმდინარეობა ესთეტიკურად გვკარნახობს შესაბამის მიხვრა-მოხვრასა და ჟესტიკულაციას. ჩაცმულობას, რომ თავი დავანებოთ, სტილი, ადამიანის მუსიკალურ გემოვნებაზეც მეტყველებს. ვერ წარმომიდგენია ადამიანი, რომელსაც აცვია რეტრო და მინიმუმ ფრენკ სინატრას არ უსმენს. საქართველოში კლასიკური მუსიკის მსენელს უფრო ნაკლებად შევხვდებით. შესაბამისად, ინტერესები მჭიდროდ ებმის ჩაცმის სტილს და ამით კარგად აიხსნება ვინტაჟური სტილის არაპოპულარობაც საქართველოში.

შენს ფოტონამუშევრებშიც ხშირად ვხვდებით ვინტაჟს, ძირითადად თბილისის ძველ უბნებს იღებ. რას გვეტყვი ამის შესახებ?

მე-19 საუკუნის ვინტაჟური თბილისი, როგორც ფოტო ხელოვნება, დიდი შთაგონებაა ჩემთვის. ძალიან მიზიდავს ძველი არქიტექტურა.

შეიძლება პატარა დეტალებს უთქმელად ჩაუარო, მაგრამ კარგად თუ დააკვირდები აღმოაჩენ, რომ ჩვეულებრივი მოჩუქურთმებული კარის მიღმა დიდი ისტორია იმალება. ზუსტად ამ ამოცანის ამოხსნას ვცდილობ სხვადასხვა რაკურსით, ფილტრითა და განათებით. თუ კი კადრში გარემოს შესაფერის ან თუნდაც ზედმეტად შეუფერებელ ადამიანსაც მოვაქცევ, შეიძლება ის უფრო საინტერესოც გამოვიდეს.

ტექსტი – დათა ალექსეევი
სტილი – დათა ალექსეევი
ფოტო – სალი დუნდუა

ჟურნალი ბომონდი, მაისის ნომერი , 2017
http://www.beaumonde.ge/dataalekseev

Featured

-Irma De Flore-ს ქალბატონი, ის არის მუზა და პოეტი ერთდროულად!

როდესაც საქმე ნებისმიერი განხრის წმინდა ხელოვნებასთან  გვაქვს, უნებლიედ ყალიბდება კრედო, რომლის მთავარი არსი მცირე დოზით მაინც ატარებს პერფექციონისტურ ხასიათს – მაღალი სტანდარტებისადმი შესატყვისობა ან სრული კრახი. არჩევანი კი თქვენზეა. ინსპირაციისა და იდეის წარმატებული ხორცშესხმა სწორედ საყვარელი საქმისადმი სერიოზული დამოკიდებულებითა და დიდი სიყვარულით მიიღწევა.

სიყვარული სინათლეა, რომელიც ცხოვრების სახიფათო ბილიკებს გვინათებს და გვჩუქნის თავისუფლებას. ხელოვნების თავისუფლებას…“

სწორედ ეს გახლავთ ვიზუალური არტისტის, ირმა შარიქაძის დევიზი, სადაც სიყვარული და თავისუფლება პირდაპირკავშირშია ხელოვნების შესაქმნელად.
მისი პირველი ნაბიჯები ფოტოგრაფიიდან იწყება, დღესდღეობით ირმა წარმატებული დიზაინერია და ბრენდს „Irma De Flore” წარმოადგენს.
მისთვის არ არსებობს არანაირი ფორმულა, ყველაფერი დამყარებულია შინაგან შეგრძნებებსა და ინტუიციაზე.
შთამბეჭდავია დიზაინერის უკიდეგანო ფანტაზიის უნარი და მდიდარი ფერთა პალიტრა სამოსის დიზაინში, რომელიც ბრენდის იდენტიფიცირებას მარტივად ახდენს.

Irma de Flore’s S/S 2016 fashion performance “Imaginery Garden” inspired by Frida Kahlo 

ყოველთვის დასამახსოვრებელია „Irma De Flore”-ს პერფომანსები ორიგინალური თემატიკითა და შთაგონებით. ასევე აღსანიშნავია ბრენდის კონცეფცია, რომელიც „Luxury” ხაზს წარმოადგენს და გეტყვით, თითზე ჩამოსათვლელია ქართველი დიზაინერები, რომლებიც მუშაობენ სამოსის უმაღლეს კლასზე და მას წარმატებით ართმევენ თავს.
საქმისადმი სიყვარული და ინდივიდუალურობა მკვეთრად იგრძნობა ტანსაცმლის თითოეულ დეტალში. ალბათ, ამიტომაც მოიპოვა ბრენდმა მალევე პოპულარობა და საზოგადოების სიყვარული. ფაქტი კი სახეზეა, ქიმია ნამდვილად შედგა კრეატივისა და მაღალი სტანდარტებისადმი შესატყვისობის შორის.

ირმა შარიქაძის შემოქმედებაში უდიდეს როლს ინსპირაცია თამაშობს. მისთვის ეს უკანასკნელი არ არის მხოლოდ რაიმე კონკრეტული, როგორც დიზაინერი ამბობს, ინსპირაცია შეიძლება იყოს როგორც მატერიული, ასევე ჩვენი ცნობიერის მიღმა აღბეჭდილი ცხოვრებისეული ფრაგმენტებიც. მისთვის შთამაგონებელი შეიძლება იყოს აყვავებული ყვავილის ტოტი, მზის ამოსვლა გარიჟრაჟზე, ან უცნობი ქალის ძველი ფოტო.
ეს ყველაფერი კი მშვენიერების ესთეტიკურ აღქმასა და სილამაზის ძიებას უკავშირდება.

„თუ ხარ მზად,იმისთვის, რომ მიიღო ინსპირაცია ის აუცილებლად მოვა, თან მოულოდნელი ფორმით“ – ირმა შარიქაძე


მოგვიყევით კარიერის პირველ ეტაპზე, რამ განაპირობა თქვენი ინტერესი ფოტოგრაფიის ხელოვნებაში?
16 წლის ასაკში აღმოვაჩინე ფოტოგრაფიის საოცარი სამყარო. მახსენდება პირველი გადაღება, პირველი ფირი, ძველი თბილისი,რომელსაც მონდომებით ვიღებდი ნაჩუქარი ზენიტით. მახსოვს, მაშინ მსახიობობაზე ვოცნებობდი, ვსწავლობდი თოიძის სამხატვრო სასწავლებელში და პარალელურად პანტომიმის თეატრშიც. მახსოვს, რომ შუქი ხშირად არ იყო და არც ფოტოგრაფიის პროფესიონალურად შესწავლის შანსი მქონდა. მითუმეტეს, ფოტოგრაფი ქალიც კი არ არსებობდა იმ პერიოდში, მაგრამ ამ გამოწვევას არ შევუშინებივარ, უფრო დიდი სტიმული მომცა, რომ ყველაფერს შევძლებდი.

რატომ ხელოვნება?
ხელოვნება ჩემთვის მთავარი სასიცოცხლო მოტივაცია და თვითგამოხატვის საშუალებაა.მის გარეშე ცხოვრება აზრს კარგავს. არ არსებობს ხელოვნება უპირობო სიყვარულის გარეშე, ხელოვნება  თვითშემეცნებით, ინტუიციით, ხელოვნების, ცხოვრებისა და ადამიანების სიყვარულით იწყება.

რა როლი გაქვთ როგორც ხელოვანს საზოგადოების წინაშე?
ჩემი როლი საზოგადოების წინაშე არის ადამიანის, რომელიც ცდილობს ჭეშმარიტი სილამაზის პოვნას, მასთან შეხებასა და მიახლოვებას. ჩემი აზრით, ოცდამეერთე საუკუნეში არ არის საკმარისი ერთ სახელოვნებო სფეროში მოღვაწეობა, შესაბამისად, არტისტი თავის სათქმელს სხვადასხვა ჟანრის, ვიზუალური ხელოვნების სინთეზით ბევრად შთამბეჭდავად გამოხატავს. ჩემი საავტორო პროექტების ფარგლებში ფოტოგრაფიასთან ერთად ყოველთვის ვქმნიდი ვიდეოს, ინსტალაციასა და კოსტუმს. ნებისმიერი ხელოვანისთვის და განსაკუთრებით ჩემთვის მნიშვნელოვანია საზოგადოებამდე სიღრმისეულად მიიტანო სათქმელი, შეეხო ადამიანის გულს.

რამ განაპირობა თქვენი დაინტერესება სამოსის დიზაინში?
ყოველთვის მაინტერესებდა სამოსის დიზაინი, ხშირად ვქმნიდი კოსტუმს ჩემი გადაღებებისთვისა და გამოფენებისთვის, თუმცა ყველაფერი ანტიკვარული ქსოვილების, მაქმანების, სამკაულებისა და აქსესუარების კოლექციონერობით დაიწყო. მოდის სამყარო ყოველთვის მიმზიდველი იყო ჩემთვის და განსაკუთრებულ ლტოლვასაც იწვევდა, მაგრამ ეს ნაბიჯი გააზრებულად გადავდგი როცა ამ ეტაპისთვის მზად ვიყავი.

ირმა, ყოველთვის ძვირფას ქსოვილებს იყენებთ კოლექციის შესაქმნელად, რამდენად მისაღები ფასებია მომხარებლისთვის?
ყოველთვის მნიშვნელოვანია შეხება. მიყვარს ნატურალური ქსოვილები: აბრეშუმი, ბარხატი, ფარჩა, თავს განსაკუთრებულად კომფორტულად გრძნობ, როცა მაღალი ხარისხის აბრეშუმის კაბა და კიმონო გაცვია. Irma De Flore-ს ქურთუკებსაც კი ნატურალური აბრეშუმის სარჩული აქვთ. ყველაფრის ტესტირებას პირადად ვაკეთებ, ვლინდება რამდენად პრაქტიკულია ან კომფორტულია ნებისმიერი მოდელი, რადგან ძალიან პრეტენზიული ვარ, როგორც მომხარებელი. თამამად შემიძლია ვთქვა, რომ ქალბატონებს მხოლოდ საუკეთესოს ვთავაზობ. ყოველთვის ვცდილობდი კაბა, რომელიც მეცვა განსაკუთრებული ყოფილიყო. ტენდენციების ზედმიწევნით გათვალისწინება მოსაწყენია. ღირებულებას რაც შეეხება ვფიქრობ, „Luxury“ კლასთან მიმართებით Irma De Flore-ს ფასები, რა თქმა უნდა, საკმაოდ დაბალია.

როგორ აბალანსებთ კრეატივს ბიზნესთან ერთად?
რთულია, თუმცა შესაძლებელი, მნიშვნელოვანია გამოცდილება.

Irma De Flore-ს ქალბატონი…
Irma De Flore-ს ქალბატონი პირველ რიგში გაბედულია. მას არ ეშინია ფერების მდიდარი პალირტის გამოყენების, შეუძლია მოირგოს განსხვავებული სტილის სამოსი: ელეგანტური, ეკლექტიკური, ბოჰემური…
ამ ქალბატონის ხიბლი მრავალფეროვნებაშიც მდგომარეობს, ის უგუნებელყოფს შაბლონურ ტრენდებს, შეუძლია ყოველდღიურობაში იყოს მომხიბვლელი და შთამაგონებელი. მას უყვარს ანტიკვარული სამკაულები, ექსპერიმენტები, თუმცა, ის არასდროს არის გადატვირთული. Irma De Flore-ს ქალბატონს შეუძლია ჰარმონიის შექმნა საკუთარ თავთან, რომელიც ბედნიერებას ანიჭებს. ის არის მუზა და პოეტი ერთდროულად!


რასთან ასოცირდება თქვენთვის ფერების სინთეზი?
კოსმოსთან. სამყარო, რომელშიც ვცხოვრობთ დიდი შემოქმედია წარმოუდგენელი წარმოსახვის დიაპაზონითა და მასშტაბით. ვფიქრობ, ადამიანები, რომლებიც ფერთან მუშაობენ უფრო მგრძნობიარეები არიან.

ცხოვრებისეული სიტუაცია, რომელიც თქვენი შემოქმედების ინსპირაციად იქცა…
ჩემი შვილის დაბადება დღემდე რჩება ჩემი შემოქმედების მთავარ ინსპირაციად.
ასევე განსაკუთრებულად შთამაგონებელი აღმოჩნდა გენიალური მექსიკელი მხატვარი, ფრიდა კალო, რომელმაც დიდი გავლენა მოახდინა ჩემზე. ფრიდა, საერთაშორისო პროექტი „წერილების“  გარდა, ერთ-ერთი პერფომანსისა და კოლექციის ინსპირაციაა. ტანგოს კვალი კი წარუშლელია ჩემს ცხოვრებასა და შემოქმედებაშიც, ხშირად ვამბობ, რომ ტანგოს მუსიკა ჩემი ცხოვრების „საუნდტრეკია“, მისი ინსპირაციით დადგმული სპექტაკლი-პერფომანსი „ვარდების ტანგო“ წარმატებით შედგა მოდის კვირეულზე და დიდი მოწონებაც დაიმსახურა საერთაშორისო თეატრალური ფესტივალი „საჩუქარი“-ს ფარგლებშიც, თუმცა ყველაფერი აქ არ მთავრდება, ბუენოსაირესი წინ არის….

თქვენი
  კიმონოები მალევე მოხვდა მსოფლიო მოდის ეპიცენტრში, ვიხილეთ ისეთ გავლენიან გამოცემებში, როგორებიცაა Vogue, Le21Eme  და ა.შ. ელოდით ასეთ გამოხმაურებას?  თვლით თუ არა, რომ  ეს სტიმულის მომცემი იყო  მეტი თამამი ნაბიჯებისთვის მოდის ინდუსტრიაში?
რა თქმა უნდა, იყო. მერსედეს-ბენცის მოდის კვირეულის ყველაზე საპატიო სტუმარმა, ცნობილმა ბრიტანელმა ფიგურამ მოდის სფეროში, ჰილარი ალექსანდრმა კოლექციის ერთ-ერთი კაბა და კიმონო ჩვენების დასრულებისთანავე შეიძინა. სპეციალური დაკვეთით შეიკერა კიმონო თიკა კანდელაკისთვის. სულ რამდენიმე დღის წინ, ქსენია სობჩაკმა გამოაქვეყნა ფოტო, სადაც არაჩვეულებრივი ყვითელი კიმონო აცვია.
ამ სეზონზეც მოვხვდით გავლენიან პორტალებსა და გამოცემებში. ბევრი ცნობილი ქალბატონის კარადაში, როგორც საქართველოში, ისე მის ფარგლებს გარეთ  “Irma de Flore” -ს კიმონო განსაკუთრებულ ადგილს იკავებს. დადებითი გამოხმაურება კი საერთაშორისო ასპარეზზე, სასიამოვნოა და ასევე მნიშვნელოვანიც.

რას გვეტყვით ახალი კოლექციის  შესახებ?
Irma de Flore-ეს შემოდგომა-ზამთარი 2017/18 კოლექცია მერსედეს-ბენცის მოდის კვირეულის ფარგლებში დახურული სალონური ჩვენებით, ძველი თბილისის ყველაზე ბოჰემურ რესტორანში, პურპურში ჩატარდა. ჩვენებას ფორტეპიანოზე ცოცხალ მუსიკალურ აკომპანიმენტს ცნობილი პიანისტი, ზურაბ ხუციშვილი უწევდა. ჩვენებას დაესწრენ კვირეულის სტუმრები, მსოფლიოს სხვადასხვა ქვეყნის გავლენიანი გამოცემების ჟურნალისტები, კრიტიკოსები და ბაიერები.
საუკუნის დასაწისით Belle Époque და Art Nouveau – თი შთაგონებულმა კოლექციამ სტუმრებზე დიდი შთაბეჭდილება მოახდინა.


კოლექცია ქალურ, ელეგანტურ სილუეტს უსვამს ხაზს.  გამოყენებულია ბარხატი, გობელენი და აბრეშუმის მაღალი ხარისხის ქსოვილები. პალტოები, ქურთუკები, კაბები და ჩანთები შემკულია ყვავილების ნაქარგობებით. კოლექცია მდიდარია ხელნაკეთი აქსესუარებით, ზამბახის „აბადოკებით“ და ბროშებით, ასევე ბისერებითა და ნაქარგი საყურეებით. მთავარი სიმბოლო ზამბახია, ბუნების ყველაზე ნატიფი და დახვეწილი ყვავილი, რომელიც ქალური ფორმებითა და ღრმა ფერთა გამით გამოირჩევა. Irma de Flore-ს  კოლექცია ხოტბას ასხავს დახვეწილ და ელეგანტურ ქალბატონს, Unisex მიმდინარეობისა და მუდმივი ცვლილებების  ეპოქაში.

This slideshow requires JavaScript.

10 წლის შემდეგ…
ვფიქრობ, 10 წლის შემდეგ აღარ ვიცხოვრებ თბილისში. შემოქმედებით მხარეს რაც შეეხება, მგონია, რომ უფრო მეტ ექსპერიმენტს და კოლაბორაციას გავაკეთებ, ახალ სახელოვნებო სფეროებს შევეხები. აუცილებლად გავაკეთებ ჩემს წიგნს, ფოტო ალბომს, რაზეც დიდი ხანია მეფიქრება. ფოტოგრაფია და მოდა ყოველთვის იქნება ჩემი ცხოვრების ნაწილი.
მიჭირს ცოტა პასუხის გაცემა, მაგრამ ვფიქრობ, 10 წლის შემდეგ უფრო მეტი თავისუფალი დროც მექნება სამოგზაუროდ; აუცილებლად წავალ მექსიკაში ფრიდა კალოს სახლ-მუზეუმის სანახავად და არგენტინაში, საუკეთესო მილონგებზე ტანგოს საცეკვაოდ.

© EIR
Data Alekseev

DEFY DIRT FIGHTER – ინოვაციური პროდუქტი მამაკაცებისთვის

შემდეგი პროდუქტი, რომელსაც გაგაცნობთ ნამდვილი აღმოჩენა იქნება ნებისმიერი მამაკაცისთვის, ვისთვისაც მნიშვნელოვანია გამოიყურებოდეს ახალგაზრდულად რთული და მოსაბეზრებელი  პროცედურების გარეშე.
DEFY DIRT FIGHTER – ეს არის საუკეთესო კოსმეტიკური საშუალება სახის კანის მოვლისთვის. მისი ინოვაციური ინგრედიენტები სახის კანს მთელი დღის განმავლობაში დაგროვილი ჭუჭყისგან ათავისუფლებენ, ასევე  პროდუქტი ითავსებს გამწმენდის, მსუბუქი სკრაბისა და საპარსი ქაფის ფუნქციასაც კი.


DEFY DIRT FIGHTER-ის გამოყენება რეკომენდირებულია დღეში ორჯერ, გაღვიძებისას და ძილის წინ. მისი მოქმედებით კანი სუფთავდება, ტენიანდება, რბილდება და მისი ფერიც ერთგვაროვანი ხდება. DIRT FIGHTER ასევე ეფექტურად ებრძვის მცირე ზომის ლაქებს და სახეზე გაპარსვის შემდეგ გაჩენილ სიწითლეებს. მას აკნეთი დაავადებულ და ცხიმიან კანზეც მოიხმარენ. მასში შემავალი მწარე ფორთოხლის ზეთი კი კანის ზედაპირზე კონცენტრირებულ ბაქტერიებს ანადგურებს და ლიფტინგის ეფექტიც გააჩნია.


სულ რაღაც ორი კვირაა რაც DEFY DIRT FIGHTER-ის სკრაბსა და DEFY YOUTH TONIC-ს ვიყენებ და ეფექტი საგრძნობლად შესამჩნევია, კანი უფრო ჯანსაღადაც გამოიყურება და გაპარსვის შემდგომი დისკომფორტიც დავიწყებული მაქვს, მოკლედ არჩევანი თქვენზეა, წარმატებებს გისურვებთ!

 

„Sun“ & „Moon“ – ვიტამინი ენერგიის ნაკლებობის წინააღმდეგ

მთელი წლის განმავლობაში ყველა მოუთმენლად ველოდებით ცხელ ზაფხულს, რათა საუკეთესოდ გატარებული შვებულება წინაპირობა გახდეს ახალი სამუშაო თვის წარმატებულად დაწყებისთვის. თუმცა ყველაფერს აქვს თავისი უარყოფითი მხარე, გამონაკლისი არც  ზაფხულის ცხელი სეზონია.

თითოეული ჩვენგანი ხშირად ვუჩივით უმადობასა და ენრეგიის ნაკლებობას, რომელიც რამდენიმე ნაბიჯით უკან გვხევს არდადეგების სასიამოვნოდ გასატარებლად. ხშირ შემთხვევაში ამის მიზეზი უძილობასთან და დაძაბულ სამუშაო გრაფიკთან ერთად დაბინძურებული გარემო და გერმოდიფიცირებული საკვებია. ენერგიის ნაკლებობის პრევენციისთვის კი აუცილებელია საჭირო მინერალები ორგანიზმისთვის.

პროდუქტი,  რომელსაც შემოგთავაზებთ საუკეთესოა და წლის ნებისმიერ სეზონზე აუცილებლად გახდება თქვენი კომფორტისა და სიჯანსაღის გარანტი !


ბუნებრივ დანამატებზე დამზადებული პროდუქტი „მზე“ და „მთვარე“ ორგანიზმს ვიტამინებით და მინერალებით ამარაგებს და ადამიანის ზოგად ჯანმრთელობასაც აუმჯობესებს. არ არის გასაკვირი, რომ დილას და საღამოს ორგანიზმს სხვადასხვა ნივთიერებების მიღება სჭირდება.
თუ თქვენ ამ ვიტამინებს სისტემატიურად მიიღებთ აუცილებლად იგრძნობთ დილით მეტ ენერგიას, ხოლო ღამით კი უკეთ დაგეძინებათ. თემატურად „მზე“ დილაობით მიიღება „მთავრე“ კი –  საღამოობით.
ასევე გეტყვით, რომ პროდუქტი არ შეიცავს ცხოველური წარმოშობის ნივთიერებებს რომლებიცაა გლუტენი და ლაქტოზა, შესაბამისად პროდუქტი მოზარდებისთვისაც არის რეკომენდირებული.

დანამატის გახსნა დასაშვებია მხოლოდ ნატურალურ, ახლადგამოწურულ უშაქრო წვენებში.
შეგიძლიათ დალიოთ ჭამის დროს ან ჭამამდე. ორივე მათგანი კარგად უნდა გაიხსნას 100 მლ. წყალში. ვისაც დიაბეტი აქვს აუცილებლად უნდა გაიაროს კონსულტაცია ექიმთან ასევე ორსულებმაც, რადგან „მზე“ კოფეინს შეიცავს, თუმცა ექიმთან ვიზიტის შემდეგ შესაძლებელია „მთვარის“ მიღება.

ექვს წლამდე ასაკის ბავშვებისთვის დანამატის მიღება აუცილებელია მხოლოდ ექიმთან კონსულტაციის შემდეგ

elit® Vodka VIP საგზური იბიცაზე და საქართველოს საუკეთესო ბარმენის ტიტული ვაკო ღონღაძემ მოიპოვა

15 ივნისს თბილისში elit®  Art of Martini Tbilisi 2017-ის კონკურსი გაიმართა. წლის მნიშვნელოვან კონკურსში მონაწილეობას იღებდნენ ქართველი ბარმენები, რომლებიც იბრძოდნენ elit® Vodka VIP საგზურის მოსაპოვებლად იბიცაზე, სადაც გაიმართება გლობალური ფინალი და გამოვლინდება მსოფლიოში საუკეთესო ბარმენი.

კონკურსის განმავლობაში უდიდესი მოტივაცია მისცა გულშემატკივარმა ქართველ ბარმენებს, შეეთავაზებინათ ჟიურისთვის საინტერესო და იკონური კოქტეილი, რომელიც აუცილებლად იქნებოდა დასამახსოვრებელი ინოვაციური მიქსტურითა და ვიზუალური მახასიათებლებით. ბარმენებს ორი თვე ჰქონდათ იმისათვის, რომ შეექმნათ განსაკუთრებული კოქტეილის რეცეპტი elit® ultra-luxury vodka-ს დახმარებით, რომელსაც გაუკეთებდნენ პოპულარიზაციას თბილისის ტოპ ბარებში.

This slideshow requires JavaScript.

ჟიურში წარმოდგენელი იყვნენ ალკოჰოლის ინდუსტრიის კვალიფიციური ექსპერტები, რომლებმაც დადებითად შეაფასეს ქართველი ბარმენების მონდომება და კრეატიული ხედვა.  ერთ-ერთმა წევრმა, ინოვაციური სასმელების გამომგონებელმა და წლის საუკეთესო კოქტეილის ავტორმა, გიგი კასრაძემ, კონკურსის ორგანიზებასა და კრიტერიუმების შესახებ ისაუბრა.

– ერთი შეხედვითაც შეამჩნევდით, რომ  elit®  Art of Martini Tbilisi 2017 კარგად ორგანიზებული კონკურსი იყო. ჟიურის წევრებმა შეფასების მთავარ კრიტერიუმად გემოს აღქმის თვისებები და ვიზუალური მხარე გამოვიყენეთ. ქართველ ბარმენებს ნამდვილად ახასიათებთ ინდივიდუალური მიდგომა და ინოვაციური ხედვა, იმისთვის, რომ შექმნან განსხვავებული კოქტეილი, რომელიც არ იქნება სტანდარტული და ახალ სიტყვას იტყვის.ზუსტად ეს არის ის დიდი პოტენციალი, რომლითაც საქართველო იასპარეზებს იბიცაზე, გლობალურ ფინალზე.

ჟიურის ობიექტური და სამართლიანი გადაწყვეტილებით, elit® Vodka VIP საგზური  კლუბ ეგოისტის ბარმენს, ვაკო ღონღაძეს გადაეცა. მას სხვა მონაწილეების მსგავსად კონკურსის პირველ ეტაპზე ჰქონდა 10 წუთი საავტორო კოქტეილის მოსამზადებლად, და 5 წუთი მეორე ეტაპზე, რათა შეექმნა ტრიუმფალური კოქტეილი, საიდუმლო ინგრედიენტის, რეჰანის გამოყენებით.

-მინდა დიდი მადლობა ვუთხრა ყველას და განსაკუთრებით გაგრა პლიუსს, რომ მომცა შესაძლებლობა ჩემი თავი წარმომეჩინა. ყოველი კონკურსი ჩემთვის ახალი ეტაპი და მნიშვნელოვანი გამოცდილებაა. ვერ აღვწერ იმ შეგრძნებას, რომელიც მაქვს. ჩემი მეგობრები, კონკურსის ყველა მონაწილე თავისი საქმის დიდი პროფესიონალია. გამარჯვებას რაც შეეხება, ძალიან ვინერვიულე, როდესაც შედეგებს აცხადებდნენ. უდიდეს პასუხისმგებლობას ვგრძნობ და იმედი მაქვს საქართველოს ვასახელებ.

ვაკომ ორივე ეტაპს წარმატებულად გაართვა თავი და შემოგვთავაზა საავტორო კოქტეილი, რომლის გემომ არამარტო გულშემატკივარი, არამედ დამსწრე საზოგადოებაც აღაფრთოვანა. გამარჯვებულმა მთავარ ინგრედიენტ elit® ultra-luxury vodka-სთან უნიკალური სინთეზი გააკეთა მის მიერ დამზადებული ატმის სიროფის, კვერცხის ცილის, ლაიმის ფრეშისა და სპეციალურად კონკურსისთვის საფრანგეთიდან ჩამოტანილი ანისის დახმარებით. კოქტეილს კი ორიგინალური სახელწოდება „El Peach” დაარქვა.

შეგახსენებთ, რომ ღონისძიების ორგანიზატორია  კომპანია „გაგრა პლუსი“ , რომელიც 2002 წლიდან ქართულ ბაზარზე ოპერირებს წამყვანი ალკოჰოლური და უალკოჰოლო სასმელის ბრენდებით.