მარადიული პარფიუმის იმპერია – TOM FORD

ყოველდღიურად, ათასობით პარფიუმერი ცდილობს ახალი არომატის შექმნას, ძველისგან განსხვავებულს, რაც უამრავ სირთულესთან არის დაკავშირებული, თითქოს წარმოუდგენელია შექმნა ყველასგან გამორჩეული და იშვითი არომატი, ისეთი, რომლის მსგავსიც უბრალოდ არ არსებობს.
ვის შეიძლება ვუწოდოთ არომატების თანამედროვე დიდოსტატი, თუ არა ლეგენდარულ დიზაინერსა და კინორეჟისორს ტომ ფორდს? მან შეძლო ყველაზე იშვიათი და ძვირფასი ინგრედიენტების გამოყენებით დაუვიწყარი ნოტების შერწყმა, რის შედეგადაც მისი პირველი სუნამო, Black Orchid (შავი ორქიდეა)  წარუდგინა საზოგადოებას. ყველა გავლენიანი პარფიუმერი აღიარებს, რომ ტომ ფორდის შავი ორქიდეა მნიშვნელოვანი ნაბიჯი იყო წარმატებისკენ პარფიუმერულ სამყაროში. მან ნამდვილად მოახერხა ისეთი არომატის შექმნა, რომელიც  ხარისხიანთან ერთად მარადიული და ტენდენციურიც იქნებოდა.

ბოლო დროის, ყველაზე პოპულარული სურნელი მერქნოვანი და სუსხიანი არომატების სინთეზია, რომელსაც თამბაქოს ექსტრაქტი ნამდვილ სასწაულად აქცევს. ტომ ფორდის უნიკალური ხაზი Private Blend ნამდვილად მომაჯადოებელ კოლექციას გვთავაზობს OUD WOOD-ის სახელწოდებით ექსტრავაგნტური, ეგზოტიკური და ველური ხასიათით, რომელიც ყველაზე მეტად უსვამს ხაზს ძლიერ ბუნებას, სტატუსს და თაბრუდამხვევ ქარიზმას.

2012 წელს ტომ ფორდმა ნამდვილი ფურორი მოახდინა, დიზაინერი ახალი სუნამოს NOIR სახე თავადვე გახდა და კომერციულ ვიდეო რგოლშიც გამოჩნდა.

 

Noir Anthracite – ეს არის 2017 წლის უახლესი შედევრი, რომლის ინგრედიენტთა ერთობლიობას ძვირადღირებული შავი ხის ექტრაქტები, სანელებლები და არომატული ბერგამოტი წარმოადგენს. ბრენდის მამაკაცის სხვა სუნამოების მსგავსად, პიკანტური და არატრადიციული სურნელი Noir Anthracite-ს მთავარი ნიშაა.

ტომ ფორდის  სუნამოები პარფიმერულ მაღაზიათა ქსელმა “ლუტეციამ ქართველ მომხმარებელს პირველად, 2007 წელს შესთავაზა. ამჟამად ქსელში წარმოდგენილია ორი ხაზი: TOM FORD – Signature, უფრო მაღალი კი TOM FORD Private Blend, მათ შორის ლიმიტირებული გამოშვებებიც.

Advertisements

ახალი ერა ელი სააბისგან – “Girl of Now”

„ელი სააბის“ გაჟღერებისას აუცილებლად გაგვახსენდება ულამაზესი საღამოს კაბები, რომლებიც ჯერ კიდევ მისი კარიერის დასაწყისში მსოფლიოს ყველაზე ბრწყინვალე ვარსკვლავებმა მოირგეს. აღსანიშნავია, რომ ლიბანელი დიზაინერი თითოეული კაბის შესაქმნელად, თავადვე ქმნის მატერიას, რისი შედეგიც ნამდვილად დაუვიწყარია.
არაიტალიელი დიზაინერის იტალიური კარიერა 1997 წლიდან იწყება და დღევანდელ Haute Couture-ში საუკეთესოს ტიტულსაც ინარჩუნებს.

ელი სააბის პარფიუმერული  ნიშა, სინაზისა და ჰაეროვნების მომაჯადოვებელი შერწყმაა. 2017 წელს ბრენდი ახალ ყვავილოვან სურნელს წარმოგვიდგენს, რომელსაც ელი სააბი “Girl of now”-ს უწუდებს. ამ არომატით კი ყველაზე შარმიან და ენერგიულ ქალბატონებს მარადიული ახალგაზრდობის ელექსირს სთავაზობს.

ბრენდის პარფიუმის ისტორიაში 2017 წლიდან იწყება სრულიად ახალი ერა, რომლის კონცეფციაც სხვა წინამორბედებისაგან უფრო მეტად თამამი და თანამედროვეა.

Girl Of Now – ეს არის არის თანამედროვე, ახალგაზრდა ქალბატონის სარკე, რომლის ცხოვრებაც წარმოუდგენელია ღამის კლუბებისა და სოციალური ქსელების გარეშე, იგი მუდმივად ყურადღების ცენტრშია და ლიდერია ნებისმიერ ადგილსა და სიტუაციაში.


ფორთოხლის ყვავილი, რომელიც მზის ინტენსივობით იწვის მანდარინსა და მსხალთან ერთად არომატის ციტრუსოვან, გამაგრილებელ ეფექტს ქმნის, ხოლო ნუში და ფისტა სუნამოს საოცრად თბილ და ჰაეროვან სიმსუბუქეს მატებს. რთულია გაუძლო თითოეული ნოტის შეხების ცდუნებას, როდესაც ელი სააბის უახლეს კაშკაშა ქმნილებასთან გვაქვს საქმე.

სუნამოს შეძენა შესაძლებელია 9 ნოემბრიდან ისი პარის ნებისმიერ მაღაზიათა ქსელში.

Featured

მერსედეს-ბენცის მოდის კვირეულის street style – დათა ალექსეევისგან, “EIR” ექსკლუზიურად “ბომონდისთვის”

 სტილი ინდივიდუალიზმის სარკეა, ამ სარკეში ჩახედვისას კი უმნიშვნელოვანესი ქვეტექსტების ამოკითხვაა შესაძლებელი. თავდაპირველად, რამ შეიძლება გვითხრას იმაზე მეტი ქუჩაში შემხვედრ უცნობ ადამიანზე, ვიდრე სამოსი გვეუბნება? ქუჩის სტილი მოდის კვირეულის განმავლობაში საუკეთესო საშუალებაა, გააცნო საზოგადებას შენი შინაგანი სამყარო ვიზუალური კუთხით და იმიჯის საშუალებით.

ფოტო/ტექსტი – დათა ალექსეევი

მერსედეს-ბენცის მოდის კვირეულის ფარგლებში, ჩვენებების პარალელურად საინტერესოდ შემოსილი ადამიანების რიცხვი დღითი დღე მატულობდა, თქვენთვის კი ნამდვილად საინტერესო იქნება, მოდის კვირეულის სტუმრების შეხედულება ცხოვრების სტილზე და მათი აზრი კონკრეტული დღისთვის წარმოდგენილ ლუქებზე.

ნინი ბექაური (Style-ბლოგერი)
კვირეულის განმავლობაში, უამრავი ცნობილი გამოცემა იღებს „ქუჩის მოდას“. ჩემთვის მნიშვნელობა არ აქვს ვის ობიექტივში მოვხვდები, სისადავე და მინიმალიზმი უპირატესია, ამიტომაც არასდროს ვიცვამ არაკომფორტულად იმის გამო, რომ რომელიმე ფოტოგრაფმა შემამჩნიოს. ჩემი დღევანდელი ლუქიც მინიმალისტურია, „ქანთრის“ ელემენტებით.

გიორგი გოგოხია (მოდელი)
ყოველთვის მიყვარდა სხავდასხვა ტენდენციების გაერთიანება ანდერგრაუნდის ჭრილში. ჩემი დღევანდელი ლუქი შავ-თეთრის შეხამებით არის გადაწყვეტილი. ვფიქრობ, რომ სხვადასხვა სტილის განსხვავებული ინტერპრეტაციები ინდივიდუალურობის ყველაზე საინტერესო მხარეს წარმოადგენს, სწორედ ამიტომ, უახლოეს მომავალში ვგეგმავ ბლოგის შექმნას.

ნინი გოდერიძე (დიზაინის ფაკულტეტის სტუდენტი)
ყოველთვის ვცდილობ, მძაფრად გამოვიყენო ირონიული ხასიათი საკუთარ ჩაცმულობაში. ვიცი, რომ ეს ყველაფერი საზოგადოების გაღიზიანებას იწვევს და რეაგირებაც შესაბამისად უარყოფითია. თამამად შემიძლია ვთქვა, რომ ჩემი იმიჯი პროტესტის მთავარი გამომჟღავნებაა ხალხისთვის, მათი უარყოფითი რეაქცია უფრო მეტ სტიმულს მაძლევს, შევქმნა უფრო საინტერესო ამ მიმართულებით და გადმოვიტანო კონკრეტული ხასიათი ჩემს გარდერობში.

ლევან შველიძე (დიზაინის ფაკულტეტის სტუდენტი)
ვსწავლობ სამხატვრო აკადემიაში, დიზაინის ფაკულტეტზე. ჩემი დღევანდელი ლუქი შთაგონებულია ჩემი საყვარელი რეჟისორის, პედრო ალმოდოვარის ფერთა ობსესიებით.
წითელი,ლურჯი,მწვანე… ვფიქრობ, ძალიან უხდება ერთმანეთს, თან ჩემი ცხოვრებისეული ეტაპები ძალიან ახლოს არის ალმოდოვარის შემოქმედებასთან.

მატა ცერცვაძე (დიზაინერი)
დატვირთული გრაფიკის მიუხედავად მუდმივად ვცდილობ, რომ არ ჩამოვრჩე სპორტული ცხოვრების სტილს. ვფიქრობ, ჯანსაღი ცხოვრების სტილი დადებითად ისახება ჩემს ხასიათზე. დღეს, შემოსილი ვარ საკუთარი ტანსაცმლის ბრენდით „Matassi” , რომელიც სტილის მინიმალისტურ მიმართულებას მიეკუთვნება.

ივანე ქეშიკაშვილი (მოდის რედაქტორი)
როდესაც ყოველდღიურობა მრავალფეროვანთან ერთად საქმიანიც არის, შეუძლებელია სპორტული სტილისკენ გულმა არ გამიწიოს. მიყვარს, როდესაც სხვადასხვა დღეს განსხვავებული სტილით ვიმოსები. საკუთარ თავს უფრო კლასიკურ სტილში ვხედავ, თუმცა დღეს ელექტრიკული ფერების შეხამებით სპორტულ სტილზე შევაჩერე არჩევანი.

ნუცა მდივანი (მოდელი)
დღეს ანუკი არეშიძის ჩვენებაშ მივიღე მონაწილეობა. ჩემი გატაცებიდან გამომდინარე, მიყვარს მაქსიმალურად სადათ ჩაცმა, არ მომწონს პოდიუმის გარეთ საზოგადოების ყურადღების ქვეშ ყოფნა. ჩემთვის ყველაზე მნიშვნელოვანი მარტივი და კომფორტული სამოსია.

თენგო ცეცხლაძე (ბლოგერი)
გადამწყვეტ მნიშვნელობას არ ვანიჭებ, თუმცა მიყვარს ბრენდირებული სამოსი. დღეს Burberry-ს ფეხსაცმლითა და ქურქით ვარ შემოსილი, მაისური კი სპორტული ხაზის Filla-ს კოლექციიდან არის. მიყვარს სპორტულისა და კლასიკური სტილის ერთმანეთზე შეხამება.

www.beaumonde.ge

Weekend Max Mara-ს ჯადოსნური იტალიური წვეულება

თბილისის მოდის კვირეულის გახსნის დღეს იტალიური წვეულება გაიმართა, სადაც Weekend Max Mara-მ ყველაზე მოდურ სტუმრებს უმასპინძლა.
შეუძლებელია იტალიურ ბრენდებზე ვისაუბროთ და ერთ-ერთი პირველი Weekend Max Mara არ გაგვახსენდეს. ყველაფერი 1984 წლიდან გრძელდება, “life-style” ხაზით, რომლის მთავარი კონცეფციაც „ვიქენდზე“ ჩასაცმელი იდეალური სამოსი გახლავთ. დღესდღეობით, კი ბრენდი ყველაზე მოდური ქალბატონების გულთამპყრობელია და საუკეთესოს ტიტულსაც არ თმობს.
თბილისის მოდური დღეების დასაწყისი, ზუსტად იტალიური განწყობითა და ტემპერამენტით, ლიმონელოს არომატით გაჟღენთილ სადღესასწაულო სივრცეში დაიწყო.  სალომე ბაკურაძის შესრულებულმა იტალიურმა ჰიტებმა დაუვიწყარი შთაბეჭდილება მოახდინა სტუმრებზე და მოწვეულმა DJ-მ ყველა ერთად ააცეკვა.

ჯადოსნურ წვეულებაზე Weekend Max Mara-მ 2017 წლის შემოდგომა/ზამთრის კოლექცია – „შატმის“ წარმოადგინა. მოდელებმა საოცრად კომფორტული და დახვეწილი ქურქები, კაბები, ფეხსაცმელი და ნაქსოვი სამოსი მოირგეს. ამ სეზონზე იტალიურმა ბრენდმა ყველაზე იდუმალი და ცოცხალი ცხოველი – კატა აირჩია, რომელიც მიჩნეულია ყველა დროის ფუფუნების, კომფორტის და სიმდიდრის სიმბოლოდ. სწორედ ამიტომ შექმნა ბრენდმა ფისოებით შთაგონებული კოლექცია, რომლის დებიუტიც მილანის მოდის კვირეულზე შედგა.

თბილისის მოდის კვირეულის განმავლობაში კი  ქართველი და უცხოელი “ფეშენისტები” Weekend Max Mara-ს ულამაზესი ზამთრის ქურქებით, სპეციალურად მოწყობილ კუთხეში აქტიურად იწონებდნენ თავს. პროცესი იმდენად საინტერესო აღმოჩნდა,ბრენდირებული “გარდერობის” გარშემო ვნებათაღელვა არ ჩამცხრალა, მსურველების რაოდენობა კი დღითი დღე მატულობდა.

თბილისის მოდის კვირეულმა და Weekend Max Mara-მ ნამვილად მოაწყვეს მომაჯადოვებელი დღესასწაული, რომელზეც ყველა ერთად თანხმდება, რომ დიდხანს ისაუბრებენ. აქვე კი იტალიური ბრენდის მოყვარულ ქალბატონებს შეგახსენებთ, უახლესი კოლექციის სამოსის მორგება შეგიძლიათ თბილისში, ჭავჭავაძის 50 ნომერში.

This slideshow requires JavaScript.

Goldea The Roman Night – რომაული ღამეების ნოსტალგიური შეგრძნებები BVLGARI-სგან

ყველამ კარგად ვიცით, რომ იტალიელებს სილამაზის განსხვავებული აღქმა და ქარიზმატული ხასიათი აქვთ. შეუძლებელია იტალიურ ლუქს ბრენდებზე ვისაუბროთ და არ გაგვახსენდეს BVLGARI, მისი უნიკალური სამკაული, საათი და პარფიუმი.
ამბობენ, ყველაზე მარტივად ფრანგსა და იტალიელს ამოვიცნობთ ერთი შეხედვით. იმასაც ამბობენ, რომ ჰოლივუდის ყველაზე ბრწყინვალე ვარსკლვავმა, ელიზაბეტ ტეილორმა იტალიურად მხოლოდ ერთი სიტყვა იცოდა, ეს იყო BVLGRARI.

გამორიცხულია ეტრფოდე ხარისხსა და ფუფუნებას და არ გიყვარდეს ბრენდი, რომლის ისტორიაც 1884 წლიდან იწყება და დღემდე ყველაზე ელეგანტური ქალბატონების სუსტი წერტილია.

ლეგენდარული პარფიუმერი ალბერტო მორილასი რომაული ღამეებით შთაგონებულ სუნამოს, GOLDEA-ს ოჯახის მესამე წევრს, The Roman Night გვთავაზობს.

Goldea The Roman Night – არის არომატი, რომელიც რომაული ღამეების ნოსტალგიურ შეგრძნებებს აღგიძრავთ, და მისტიკურ რომში გამოგზაურებთ.

პარფიუმერი განსაკუთრებულად შეეხო ერთდროულად დახვეწილი და მაცდური ქალბატონის ბუნებას, „მაჟორული“ აკორდებით, და  ე.წ ოქროს შუალედით შემოგვთავაზა ელეგანტური და მაცდური ხასიათის ბალანსი.

სუნამოს მთავარ ინგრედიენტთა ერთობლიობას მწიფე თუთა, სუსხიანი შავი პილპილი და არომატული ბერგამოტი ქმნის.

სარეკლამო ვიდეო რგოლისთვის, მთავარი პერსონაჟი ბელა ჰადიდია, რომელიც ზუსტად ჯდება არომატის კონცეფციაში, რადგან ჰადიდის მსგავსად არომატის მომნუსხველი ეფექტი ცივი, სექსუალური და მიმზიდველია.

სუნამოს შეძენა შესაძლებელია 1-ლი ნოემბრიდან ისი პარის ნებისმიერ მაღაზიათა ქსელში.