Missoni – პარფიუმი ქარიზმატული ქალბატონებისთვის

იტალიური მოდის სახლი Missoni, ცნობილია თავისი ტრიკოტაჟული ნაწარმით, რომელიც სხვადასხვა ტიპის ქსოვილისა და ფერებისგან მზადდება. ეს უკანასკნელი ნებისმიერი ქალბატონის გულთამპყრობელია, ვისთვისაც მრავალფეროვნება და ფერების გემოვნებიანი ექსპერიმენტი მნიშვნელოვანია.

Missoni როგორც ტანსაცმლის, ასევე პარფიუმის წარმოებაშიც მოწინავე ადგილს იკავებს. ბრენდის პარფიუმის ისტორია 1981 წლიდან იწყება. პირველი არომატი ცნობილი პარფიუმერის Bernard Chant-ის სახელს უკავშირდება. 2006 წელს კი გვევლინება მეორე ფანტასტიკური არომატი, რომლის პარფიუმერი Maurice Roucel გახლავთ. მან გადაწყვიტა ყვავილებისა და შოკოლადის ნოტების თაბრუდამხვევი სინთეზი გაეკეთებინა, და ეს ნამდვილად მოახერხა.


70-იანი წლებიდან დაწყებული დღემდე, ყოველთვის გამორჩეულია ტენდენციური ქალი ფერადი სამოსით. უცნაური არ იქნება თუ ვიტყვი, რომ  ტენდენციური ქალბატონის არჩევანი ყოველთვის ხილოვანსა და ყვავილოვან არომატთან შეჩერდება.


Missoni-ს  პარფიუმის ახალი ერა 2015 წლიდან იწყება. ბრენდის კრეატიულმა დირექტორმა
ანჟელა მისონმა მესამე მომაჯადოვებელი არომატის შესაქმნელად წარმატებული ახალგაზრდა პარფიუმერი Quentin Bisch აირჩია. მისი ამოცანა უნიკალური არომატის შექმნაში მდგომარეობდა, რომელსაც უნდა ეპასუხა ბრენდის კონცეფციისთვის და ხაზი უნდა გაესვა ქალბატონის თავდაჯერებულ და გამბედავ ბუნებაზე.

პარფიუმერმა ნამდვილად მოახერხა ზღაპრული არომატის შექმნა, რომელიც აუცილებლად გახდება ნებისმიერი თქვენგანის განუყრელი საზაფხულო „აქსესუარი“. სუნამო სწორედ ისეთი ქალბატონისთვის არის განკუთვნილი, რომელსაც განსაკუთრებული ქარიზმა გააჩნია და მისონის პარფიუმის მეშვეობით ყოველთვის მიიპყრობს საზოგადოების ყურადღებას ნებისმიერ ადგილსა და სიტუაციაში.

სუნამოს მთავარი იგრედიენტი ორქიდეასა და ბერგამოტთან ერთად ტენდენციური მსხალია, რომელიც შესანიშნავად ერწყმის იტალიური ციტრუსების ტრიოს. ქმნის მსუბუქ და ტკბილ არომატს, რაც ნამდვილად უსვამს ბრენდის ესთეტიკას ხაზს.

სუნამოს შეძენა შესაძლებელია 3 მაისიდან „ისი პარის“  ნებისმიერ მაღაზიათა ქსელში.

 

Cartier – Baiser Fou, ანუ ვნებიანი კოცნა

Cartier – ყველასგან განსხვავებული და მდიდრული ბრენდია, რომელიც 1847 წლიდან იღებს  სათავეს. იგი გამორჩეულია უნიკალური სამკაულებით, რომლითაც ბრენდმა დიდი პოპულარობა და მაღალი რეპუტაცია მოიპოვა.
Cartier-ს პარფიუმის ისტორია 1981 წლიდან იწყება.

მოდის სახლის დაუვიწყარი სუნამო „Baiser Vole” (მოპარული კოცნა) გახდა საფუძველი, გაგრძელებულიყო მისი უნიკალური ხაზი, „Baiser Fou”-ს სახით, რომელიც მგრძნებარე კოცნას ნიშნავს. უახლესი სუნამო 2017 წლის მომაჯადოვებელი არომატია, რომელიც ქალის სინაზესა და ელეგანტურობასთან ასოცირდება. იგი აღვიძებს დამაინტრიგებელ წარმოსახვასა და ქალის მომხიბვლელ ბუნებას, იმ საოცარი არომატით, რომელზეც ბრენდის პარფიუმერმა, მატილდა ლორანმა იზრუნა.
ლორანი არაჩვეულებრივად გრძნობს და გადმოსცემს უნიკალურ არომატს, რომლის შთაბეჭდილებებიც გაგაოცებთ. გამონაკლისი არც ეს უკანასკნელი ყოფილა.


„Baiser Fou“, ეს არის გაზაფხულის რომანტიკული ისტორია, არომატი, რომელიც იდეალურად ერგება თქვენს კანს როგორც პარფიუმერული სამკაული.

სუნამოს შემადგენლობა იმ ინგრედიენტთა ერთობლიობას ქმნის, რომელსაც ნებისმიერი თქვენგანის მოჯადოვება შეუძლია.მატილდა ლორანმა მეტი ჰაეროვნებისთვის ინგრედიენტად თეთრი შოკოლადი გამოიყენა. იგი არაჩვეულებრივად ერწყმის სუნამოს მთავარ ნოტს ჟოლოსა და საოცარ ქალურ სინაზეს სძენს არომატს. ინგრედიენტთა ჩამონათვალში ასევე შედის ზღაპრული ორქიდეა, რომელიც სუნამოს მდგრადობასა და მათრობელ ეფექტს ანიჭებს.


ყველა სეზონს თავისებური „სუნი“ აქვს. შესაბამისად, განსხვავებულ არომატს მოითხოვს ჩვენგან, რადგან პარფიუმის მოყვარულებმა, უფრო კომფორტულად და სასიამოვნოდ ვიგრძნოთ თავი.
Cartier – „Baiser Fou“ – ნამდვილად ის არომატია, რომელიც იდეალურ კომფორტს შეგიქმნით, წლის ყველაზე მოდურ და რომატიკულ სეზონზე.


სუნამოს შეძენა შესაძლებელია 19 აპრილიდან  ისი პარის ნებისმიერ მაღაზიათა ქსელში.

This is ZADIG!

Zadig & Voltaire  უნიკალური შერწყმაა ურბანული კულტურისა და პარიზული ელეგანტურობის.
ფრანგული მოდის სახლი 1997 წლიდან იღებს სათავეს, იგი ლაკოსტეს თანადამაარსებლის, ანდრე ჟილიეს შვილიშვილმა, ტერი ჟილიემ ჩამოაყალიბა თავის მეუღლესთან ერთად.
აღსანიშნავია ბრენდის კონცეფცია; ურბანული ფუფუნების მარტივად შექმნა.
Zadig & Voltaire-მა ნამდვილად მოახერხა გავლენიანი სახელის დამკვიდრება მსოფლიო მოდის ბაზარზე იმ მინიმალისტური სტილით, რომელზეც უამრავი ცნობადი სახე თუ შოპოჰოლიკია შეყვარებული.

გრძელი შარფი, ტყავის მოსაცმელი და ქანთრი სტილის ფეხსაცმელი…
მარტივი სამოსი, მარტივი ცხცოვრება, მარტივი ფუფუნება. ეს ზადიგია!

ბრენდის სახელწოდება პირდაპირკავშირშია  ვოლტერის, როგორც ცნობილი ფრანგი ფილოსოფოსის სახელთან და მის რევოლუციურ იდეოლოგიასთან.

“თავისუფლების ყველაზე მნიშვნელოვანი ნაწილია იყო ის ვინც ნამდვილად ხარ”

Zadig & Voltaire წარმოგვიდგენს არომატს For her  ქალბატონებისა და For him მამაკაცებისთვის. სურნელი, რომელიც გაჯერებულია ხელოვნების, პარიზისა და როკის გამძაფრებული სიყვარულით.

ორივე არომატის პირველივე შეგრძნებისას, პარიზული ელეგანტურობისა და ბოჰემური თავისუფლების ასოციაცია დაგეუფლებათ. ეს ნამდვილად გახლავთ ტენდენციური არომატი, რომელიც აუცილებლად გახდება თქვენი ყოველდღიურობის ნაწილი.

FOR HER
არომატის მთავარი ინგრედიენტი არაბული ჟასმინია, რომელიც სუნამოს მეტ პიკანტურობასა და აღმოსავლურ ხასიათს ანიჭებს. მერქნოვანი და ვანილის ნოტები კი არაჩვეულებრივად ერწყმის სანდლის ხეს, ქმნის განსხვავებულ სურნელსა და ნაზ არომატს.

FOR HIM
სუნამოს გული გრეიფრუტია, რაც თავისუფალი მამაკაცის სიძლიერესა და შეუდრეკელ ბუნებას უსვამს ხაზს. საბაზისო ნოტებს კი სანდლის ხისა და შავი პილპილის მიქსტურა წარმოადგენს. შეუმჩნეველი არ დაგრჩებათ არომატის რევოლუციური ეფექტი, რომელიც გარკვეული დროის შემდეგ, ვანილის დახმარებით, ცივიდან რბილ არომატად გარდაიქმნება.

ფლაკონის დიზაინი ძალიან მარტივად არის გადაწყვეტილი. შავი – ძლიერი მამაკაცის მისტიკურ მხარეს წარმოადგენს, თეთრი კი პარიზელი ქალბატონის სიწმინდეს. მისი დიზაინი დამსხვრეულ მინას მოგაგონებთ. ფლაკონი თითქოს მინიმალისტური ქმნილებაა, მაგრამ თუ დააკვირდებით ამოიცნობთ, რომ ეს ძლიერი და სუსტი სქესის შერწყმაა, რომელიც იდეალურად უერთდება ერთმანეთს და სიყვარულის რევოლუციას წარმოადგენს.
ზადიგი, ეს ბედისწერაა!

სუნამოს შეძენა შესაძლებელია 7 მარტიდან  ისი პარის ნებისმიერ მაღაზიათა ქსელში.

კლასიკური ფრანგული არომატი IZIA, Sisley

Sisley ერთ-ერთი ლიდერია, რომელსაც მდიდრულ ბრენდებს  შორის, განსაკუთრებული ადგილი უკავია. ფრანგული ბრენდი 1976 წლიდან იღებს სათავეს და მისი უნიკალურობა ესთეტიკურ პერფექციონიზმში მდგომარეობს. ბრენდის იმპერიის სულის ჩამდგმელი ჰუბერტ ორნანოა,  იგი პირველია ვინც გამოიყენა მცენარეული ესენციები კოსმეტოლოგიაში. პარფიუმი, ისევე როგორც კოსმეტიკა განსაკუთრებული ხარისხისაა და თავისებური ნიშის მატარებელია, რაც მას ყველასგან გამოარჩევს. ამის ნათელი მაგალითია, რომ დღესდღეობით ბრენდის პროდუქცია ხუთივე კონტინენტზე, 80-ზე მეტ ქვეყანაში წარმატებით ვრცელდება.

Sisley, ეს ფუფუნებაა და ფანტასტიკური ისტორია ქალურობისა და ელეგანტურობის.

maxresdefault-1
მინდა გაგაცნოთ Sisley-ს ახალი სუნამო იზია, რომელიც გამოსვლის დღიდან განსაკუთრებული პოპულარობითა და მოწონებით სარგებლობს. ალბათ, ამის ჭეშმარიტი საიდუმლოც ბრენდის ინოვაციურობაში იმალება. ეს არის შეუდარებელი კომპოზიცია ქალურობისა და თანამედროვეობის, რომელიც უნიკალური ყვავილის გულს წააგავს. იზია სუნამოს შემოქმედის სახელის მოფერებითი ფორმაა (Issabele D’Ornano). იზაბელი მომაჯადოვებელი არომატით გადმოსცემს მის შეხვედრას ვარდთან, სიახლოვე ყვავილთან ,რომელიც იმდენად დაუვიწარი აღმოჩნდა, რომ სუნამოს ინსპირაცია და არომატის მთავარი ინგრედიენტი გახდა. ამასთანავე სუნამოში გამოყენებულია განსაკუთრებული და იშვიათი ინგრედიენტები, რომელიც წინაპირობაა სუნამოს მათრობელი და დაუვიწყარი შეგრძნებისა.
არომატის ხანგრძლივი ეფექტი კი სუნამოს ძვირფას მხარეზე მიგვითითებს.
untitled
იზია, ეს ჯადოსნური ფრანგული სამყაროა, უფრო მეტად კლასიკური ვიდრე ტენდენციური.

სუნამოს შეძენა შესაძლებელია 21 თებერვლიდან  ისი პარის ნებისმიერ მაღაზიათა ქსელში.

იზაბელ ორნანო
იზაბელ ორნანო 

   

პროვოკაციული არომატი მამაკაცებისთვის-Dylan Blue, VERSACE

ვერსაჩე ის ბრენდია, რომელმაც ნამდვილად შექმნა მდიდრული და ეპატაჟური მოდის იმპერია. მან დაიპყრო მსოფლიო, დღემდე ატარებს გავლენიან სახელს და არ კარგავს აქტუალობას. მოდის სახლის ისტორია ჯანი ვერსაჩეს უკავშირდება. იგი 1997 წელს ტრაგიკულად მოკლეს, ატელიეს კი სათავეში მისი და, ბრენდის ვიცე პრეზიდენტი, დონატელა ჩაუდგა. მას უამრავი სირთულის გადალახვა და ბრენდის მნიშვნელოვან მარცხთან გამკვლავება მოუხდა. სწორედ მისი დამსახურებაა ვერსაჩეს მოდის სახლის ახლიდან დაბადება, იმ წარმატებული ხაზის გაგრძელება, რომლის ფუძემდებელი ექსტრავაგანტული ხასიათისა და უკიდეგანო ფანტაზიის მქონე ჯანი ვერსაჩე იყო.
dsc_0255-1080x722
ვფიქრობ, ბრენდის მრავალწლიანი ისტორიის ფონზე, პრივილეგია და ერთგვარი პასუხისმგებლობაა გეცვას ვერსაჩე და ატარებდე მისი პარფიუმის სურნელს. გასაკვირი არ იქნება თუ გეტყვით, რომ ვერსაჩეს პარფიუმს განსაკუთრებული მიქსტურა აქვს. ეს უკანასკანელი, შესაძლებელია, იმ მცირერიცხოვანი ბრენდების ჩამონათვალს მივათვალოთ, რომლის პარფიუმის არა მხოლოდ სურვილი, არამედ მოთხოვნილებაც გექნებათ.

კომპანია ისი პარი ვერსაჩეს საოჯახო იმპერიის უახლეს სუნამოს “Dylan Blue”-ს გთავაზობთ. პარფიუმის სურნელი მომნუსხველია იმ ჩანაფიქრით, რომელიც ძველი, ტრადიციული ნოტებისა და თანამედროვე არომატის შერწყმაში მდგომარეობს. ასევე მდიდარია თავგადასავლებისა და უსაზღვრო ფანტაზიის მაჩვენებელით.
ნატურალური ციტრუსი, ბერგამოტი და გრეიფრუტი მათრობელ კომბინაციას იძლევა, ხოლო მუშკისა და ფაჩულის ნოტები არაჩვეულებრივად ერწყმის  არომატის ძლიერ, პულსაციურ მხარეს.

1125x1000-bottle-prova-mobile-dylan-blueფლაკონის დიზაინი მსგავსად სხვა წინამორბედებისა სადა და მარტივია. მასზე ოქროსფრად გამოსახულია ვერსაჩეს უნიკალური სიმბოლო “მედუზას თავი”, რომელიც ბერძნული მითოლოგიიდან იღებს სათავეს, ლოგოს გამოყენებისა და გარდაქმნის იდეა კი ჯანის ეკუთვნის.დიზაინი ლურჯის მუქ ტონალობაშია გადაწყვეტილი, რომლის სიმბოლოც ხმელთაშუა ზღვის ილუზიაა და ფლაკონი, ისევე როგორც სუნამო სამხრეთული ტემპერამენტის მინიშნებაა.
ვერსაჩეს მამაკაცი ყოველთვის  ძლიერია, სწორედ ეს გახდა დონატელასთვის ერთ-ერთი შთაგონების წყარო, რომელსაც შემდეგნარად აღწერს:

img-versace-fig-1_151603172728
“მე ყოველთვის მჯეროდა მამაკაცის სიძლიერის… ვიცი, რომ მამაკაცი უნდა იყოს უშიშარი, ვნებიანი, ამაყი…

მიყვარს მამაკაცის ქარიზმა დღევანდელ მსოფლიოში, მას შესაძლებლობა აქვს გამოამჟღავნოს მისი ნამდვილი ბუნება და გაუზიაროს მისი რწმენა და ვნებები სხვას. ზუსტად ეს არის ამ არომატის მიგნება: სიძლიერე, სიახლე და მაცდუნებელი ბუნება.”

თითქოს პროვოკაციულად ჟღერს დიზაინერის სიტყვები და სარეკლამო ვიდეო რგოლიც, რომელიც ცნობილ რეჟისორს, ბრუს ვებერს ეკუთვნის. Dylan Blue კი ნამდვილად დღევანდელი მამაკაცის სარკეა, საკმარისია ერთი დაგემოვნება და იგი ნებისმიერი ტიპის მამაკაცისთვის განსაკუთრებული და “Must have” პროდუქტი გახდება.

versace-logo-wordmark